Bowels Management
Insomnia & Pressure
Maternal & Child Care80、90後都步入中年，雖說年齡只是個數字，但實不相瞞，當女生一踏入這個分野嶺，就意識到『女人唔 Keep 好易老』，捱幾晚夜都難以恢復精力。一齊睇下呢啲「初老跡象」，你中咗幾多！
1. 成日都好攰 唔捱得夜
到12點眼皮自動下垂捱唔到夜，個人長期keep住好攰好眼瞓，有時想趁小朋友瞓左享受下Me time，都忍唔住要早啲上床瞓，最大娛樂係瞓覺，好難再捱通宵。
2. 皮膚開始變得暗黃
身體機能亦慢慢衰退，代謝同血液循環減 慢，皮膚開始漸漸變得暗黃無光，出現細紋，氣色差，睇落成個「黃面婆」。
3. 運動後需要嘅休息時間變長
以前做運動之後第二日雖然好攰，但通常攰一、兩日就無事，依家步入20中後，運動過後攰嘅感覺揮之不去，即使做返同樣嘅運動量，可能要抖返7日以上先得。
4. 甩頭髮
髮線後移其實唔係淨係男士嘅煩惱，甩頭髮同樣困擾唔少女性。尤其係洗頭、吹頭後見到成地都係頭髮，亦明顯感受到髮量變少。
5. 放假想留喺屋企休息多過出街
以前周末、假期都會出街玩下，或者同小朋友出街放電，但宜家即使出街都行唔到全日，行兩、三個鐘就已經覺得好攰，。體力完全跟唔上，好想返屋企休息。
6.開始注重養生
其實呢個未必係年紀大先會做，好多年輕人十幾歲已經會重視飲食，調理身體。不過年紀變大咗，會越發關心自己嘅健康狀況，注重多飲熱飲、少食生冷食物等養生之道。
7. 對好多事都無晒熱情
變老嘅最大特徵係對好多嘢都無晒熱誠，做咩都提唔起勁，唔再熱衷於打機、睇電影、做運動呢啲興趣。
